DESTANÊ HEMEDÊ QEMERÊ SEKİNA – YENO YENO YENO, ROZÊ POSEMA BENO


DESTANA HEMEDÊ QEMERÊ SEKİNA

YENO YENO YENO, ROZÊ POSEMA BENO

VIDEO: http://www.youtube.com/watch?v=N1U0iskd_co

Vatoğê na Destane: Hemedê Qemerê Sekina(*)
Kami na Destane qeyd kerda: Tornê Hemedê Qemerê Sekina – Ismailo DEMENIZ
Caê vatisê na Kılame: 1979 Suka Alamanya-Wanne Eickel de Çê Sılemani ve Xaskare de
Sılema: Lazê İvraimê Silemanê Hemedi – Zamaê Hemedê Qemerê Sekina
Xaskare: Çêna Hemedê Qemerê Sekina

EVE BÊBEXTİYE VE ATAĞİYE DERSİM DE KISTENA DOKTOR BARAN SERO

Urheberrecht:
Copyright © by HEMEDÊ QEMERÊ SEKİNA ®
Copyright © by Dr Ali KILIÇ
Copyright © by http://www.dralikilic.wordpress.com ®
Copyright © by Ismailo DEMENIZ
Copyright © http://www.mamekiye.de ®
Copyright © http://www.petition1938dersim.wordpress.com ®

(*) Hemedê Qemerê Sekina eve 80 serunê ho sera 1979i de Dersimi ra ame Alamanya da suke ve suke lazê ho Muslim – Dr Baran dima feteliyene.
Dr Baran sara 1994 de Dêsımde eve emrê yezidê dolê mervani yê Abdullah Öcalani ve atağıya destê milisunê Dersimu ra yê Ekrem (Hıdır Sarıkaya) amê kıstene.

Dersim Eyalet Komutani Doktor BARAN

DESTANA HEMEDÊ QEMERÊ SEKİNA

EVE BÊBEXTİYE VE ATAĞİYE DERSİM DE KISTENA DOKTOR BARAN SERO

YENO YENO YENO, ROZÊ POSEMA BENO

Roze Yeno yeno yeno
Roze posema beno

Yeno yeno yeno
Roze posema beno

Ezo khalo kokımo
Dımê fetelüino

Ezo khalo kokımo
Lazê ho dımê fetelüino

Yeno yeno yeno
Destê Haqi yeno
Yeno yeno yeno
Xızırê Bali Talay mıre ano

Yeno yeno yeno
Roze Destê Haqi yeno

Domonê mı kune işkênce
İslam phoncas-u-phonc (55) roji tede mendo

Yeno yeno yeno
Domonê mı kune işkênce

İslamê mı (55)-phoncas-u-phonc rojio
İşkênce de mendo
Kam ke işkênce ra yeno
Derdê İslamê mıre berveno

İslamê mı işkênce kenê,
Cıra qese nêcenê,
Qese nêvano
Kêşi nêvêsne no,
Kêşi nêvêsne no

İslam vera jê gêyigu gure to
De çêne raşt kam demise yi daru benê

İslam vera jê gêyigu gure to
Vane çêne kam damise yi daru benê

Viştu-zu-roze (21) işkênce de ro
Qesunê ho nêvano
Texsi cênê benê verê çêverê Qereqoli de gıre do

Ez yeno-sono, Cigerê mı zırçeno
Ez yeno-sono, Cigerê mı zırçeno

Mı dilekça vırasta berda da Sıkıyönetim Qomutani
Vano, „def ’ve çhımê mı to nêvine”

Mı va, -ninu lazê mıre-, işkênce kerdo
Vanê, some Taxsi re niadame

Yazığê Hukmati ‘ve ma nino
Ma vera işkênce keno

Baş Çavuş biyo tever, „mı tomdano, vano, def ‘ve tara su”
Ezo kata şêri, dar-u-khêmer mıre bıber vo

Wertê Mamekiye de çına re mare Sıkıyönetim honde zoro

Way lemın lemın lemın
Ezo kokım gıno ’ro Alamanya ro
Tede fetelüino, lazê ho dosnêker do

Vake, „Apo lazê tu weso, Destê Haqi roze yeno“
Ezo gıno ’ro Alamanya ro, de Apo qeda, lerze

İsala mıre xevera de xêre anê,
Ez ke nıka şüne, cüavê Veyva ho ‘ve Tornê(1) ho çıtur bıdi?

Ez ke nıka şüne, cüavê Veyva(2) ho, Tornê(3) ho çıtur bıdi?
Haqo Haqo Haqo
Ma de hal çino
Ya Haqo Haqo Haqo
Mı va Haqo, lazê mı, mıde vejino

Ezo Haqo Haqo Haqo
Raa tore Qırvanê bıkeri
Derdê Cıgerê zoro,
Kês damis nêbeno

Derdê Cıgerê zofo
Ezo damis nêbeno

Domonê mı gêre kerdê
Her jü do ’ve cae
Her jü do ’ve cae
Ez sebı kerine!

Fikretê mı do ‘ve Malatya
Hesen Wuşênê mı esto Urfa
Aydınê mı do ‘ve Vani eskerê Dewleto
Zekiyê mı Sıkıyönetim de ro

De ez sebı kerine!
Ala kam ke hewlo
Jê mı damis ve ro!
Ala kamiji pi ke hewlo,
Jê mı damis ve ro!

Way lemıne way,
Ax lemıne way
Ez endi hore şêrine

Ez ke nıka şüne, Veyva mı ‘ve Tornê mı benê sa,
Vanê, Khalikê ma nao amo, mare xevera xêre arda
Ez ke nıka şüne, ez cıra sevaji

Ezo ezo ezo
Kokımo de neça ro

Ezo ezo ezo
Çhıla lewe de rakêri
Boa Oli ’ve Mihemedi
Xevera de xêre nêgureta

Ez ‘ve çı ri şêri, dike, cıra sa vaji!
Ezo ezo ezo
Qesa de xêre nêgure ta(**)

A(4) şiye xeleşiya
Derdu de ez verdune
A şiya xeleşiya
Wertê derdu de ez verdune

Eke wese viye ne
Ma hore piya na derdi ontene
Besıka mı, mı ca-meverde
Qorê mı, mıde nıne ke
Hora piya bıoncine

Xojive tu vo ke, tu şiya
Wertê derdu de ez ca-verdune

Xojive tu vo ke, tu şiya
Wertê derdu de ez ca-verdune

Mı va Felek lerze meke
Ma meke ro cera
Mı va Felek lerze meke
Ma cera meke ro

Ax de Felek lerze kerda
Ma kerdime ’ve cera
Ax de Felek lerze kerda
Ma jümini ra kerdime ’ve cera

Ez Helala hora rajino,
hona Qenterê hora nêvısno
Ez Helala hora rajino,
hona Qenterê hora nêvısno

Caê Xanıma mı Cenetê Helaliye kero
Caê Xanıma mı Cenetê Helaliye kero(5)

Way, way, way…
Way lemine way…
Cıxaşi zora ondêra tharva ajiya cıgere…
(**) İta çêna ho Xaskare kuna wertê qeşi, vana, ax biye mıro, ax! Ae vake, Daka mı mıra vake, „çêna mı bi ita, bi ita leê mı“ Mı va, „tı sa vana“. Guna pê yağê mı guret, vake, „Dike ez endi mıren, guna mına vılê tode ke, tı cıre telefon rake, Muslım bêro“ Ez amune, şüne hemen cıre telefon kerd ra, vakê, „Muslım Alamanya ra şiyo“ Ez şüne, mı va, „Dae hal-mezal niya, Muslım çino…“. Daka mı vake, „Dike guna mı vıle tora bıvejio, vılê Muslım de bımano“. Muslım endi chımê mı nêginay cı.


(1) Tornê ho Yoldaş İnan Çayan, Laze Muslım (DR BARAN).
Kıstena Dr BARANİ ra têpia meyitê lazê Dr Baran ki polisê Alamanya suka Bremen de doskerdi vi.
(2) Veyva ho Çiçêge, Hermeta Muslım (DR BARAN)
(3) Tornê ho Yoldaş İnan Çayan, Lazê Muslım (DR BARAN)
(4) Xanıma ho BESIKE sero vano. BESIKE Çhena Wuşenê Zengi
(5) Xaskare piyê hora vana, „Serê na Hardê Dewres de kês jê sıma HEMEDÊ QEMERÊ SEKINA ’ve Hermeta ho BESIKE jümini ra has nêkerdene”

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden /  Ändern )

Google Foto

Du kommentierst mit Deinem Google-Konto. Abmelden /  Ändern )

Twitter-Bild

Du kommentierst mit Deinem Twitter-Konto. Abmelden /  Ändern )

Facebook-Foto

Du kommentierst mit Deinem Facebook-Konto. Abmelden /  Ändern )

Verbinde mit %s